السلام عليكم

انـا راح اكتب اول موضوع ليـا في منتداكم وهو عبارة عن مشكلة وانـا مـا كتبت مشكلتي الا اني واثق انو آلا قي الحلول عنـدكم ومشكلتي هي:

اني في يوم من الايـام تعرفت عـلى بنـت عن طريق المـاسنجـر وكـانت البنت عايشة في ألم وحزن وقهر من ولد خـالهـا الذي خطبها مدة سنتين وبعدين تركها وتزوج غيرها واستمرت الايام وانا اكلمها حتى نسيتها ولد خالها وحبتني اكثر منو وانا حبيتها وانا وعدتها وهي وعدتني انو ما راح اتزوج غيرها و لا هي تتزوج غيري وصرت كل يووم الصباح اصبح عليها قبل لا اروح الجامعة وهي كمان ونكلم بعض في اليوم تقريبا 8 ساعات واليوم اللي ما نكلم بعض او تتكلم قليل يزداد شوقنا لبعض وتكون اخلاقنا زفت مع الناس ولدرجة المحبة اللي بيننا صارت تتمنى انو اختها مارجعت من السفر هي وزوجها وقاعدين عندهم مع العلم انو اختهـا ليها سنتين ما شفتها وانا صرت احبها اكثر من اهلي ونفسي المهم
في يوم من الايام جاء واحد وخطبها ولما سمع ولد عمها أنو في احد جاء خطبها قال القريب اولى من الغريب وخطبها وهي قالت لأهلها ما ابغى ولا واحد منهم لكن اهلها رفضو وقالو لازم تاخذي واحد منهم مو على كيفك وانا قلتلها اني راح اكلم ابوكي وأخطبك منو اعطيني رقمو عشان اكلمو مع انها هي في مدينة وانا في مدينة ثانية قالت رقمو ما راح اعطيك هو راح تسويلي مشكلة وبعدين لا تتعب نفسك اهلي ما راح يوافقو عليك لانك لسه طالب وساكن في مدينة غير المدينة اللي انا ساكنة فيها وقالت خلاص وحلفت انو ماراح تسعد اللي راح ياخذها وانا قلتلها بعد الحب ده كله تبغي تنسيني قالت والله مو بيدي والله نفسي اكوون معاك بس انا ما ابغى اخون اللي ياخذني حتى لو غصب

وانا محتار هل انساها مع العلم اني ماراح اقدر انساها ؟

او ابقى على امل اني راح اتزوجها مع اني متاكد انها ماراح تكون ليا ؟


بليز لا تبخلو بحلولكم عليا

الله يكون في عونك ويساعدك
خليها بالتساهيل وكول شي على ربنا

يسـلمو عـلى مرورك يـا همس الشوق

وهى تقول اهلى مايوافقوا عشان أنت طالب أعتقد عذر ماله داعى

انا أشوف أنك تشيل التفكير من راسك من ناحيتها

هي ماقالت هذا الكلام الا انو ابوها قالها غصبن عنك حتاخذي ولد عمك سواء رضيت او لا ولانو قبل كده تقدملها واحد يدرس ورفضوه

يسـلمو على مرورك يامحتار العاشقين

يسلموعلى مرورك مرة ثانية يا محتار العاشقين

يسلمو على مرورك يا جميل الروح