بسم الله الرحمن الرحيم ..

في البدايه .. حبيت اقول لكم وهو مو غريب عليكم إن انا من سكان مدينة عنيزة .. ولدت ونشاة وترعرعت على قولتهم بعنيزة .. وان شاء الله اتزوج من عنيزة واعيل فيها بعد << بس يكفي ملاغه ...

مابي اطول الكلام واللي عندي عن محبوبتي شي كثير ومااحصيته كله للمعلوميه .. يعني جبت لكم كم من معلومه عن عنيزة وصور ومعالم .. وقصائد ومقاطع صوتيه ..

ويللااااا نبدأ ..

اول شي بعطيكم فكره عن موقعها وعن ( حكاية اسم عنيزة ) مع أقوال بعض المشاهير عنها..

منذ القدم تردد اسم عنيزة كمدينة لها مكانتها التاريخية وموقعها المهم في قلب الجزيرة العربية.. وورد اسمها أيضًا في قصائد شعراء الجاهلية وفي بعض الآثار القديمة التي تبين أنها كانت منطقة آهلة بالسكان منذ القرن الثالث قبل الميلاد، كما ذكر اسمها في بعض كتب الرحالة والمؤرخين، حيث تحدث عنها ياقوت الحموي في مؤلفه معجم البلدان.. ووصفها العالم البريطاني شارلز داوتي في كتابه "رحلة في الصحراء العربية" بعد أن زارها عام 1878م وبقي فيها فترة امتدت إلى أكثر من شهرين ووصفها بأنها "بلدة ممتعة ونظيفة وفيها يختزن كل ما يحتاج الناس إليه من أشياء ضرورية.. إن عنيزة لن تقع في مجاعة لكثرة مساحة النخيل، والتمور فيها أرخص من كثير من المدن".. وقال عنها العالم البريطاني لوريمر -الذي جاء إلى المملكة في عام 1904م- في كتابه دليل الخليج العربي بأنها "المدينة الرئيسة في القصيم.. وفي أنحاء نجد وأنها يطلق عليها لقب أم نجد، أو أم وسط الجزيرة". أما الرحالة اللبناني أمين الريحاني فقد قال عنها بعد أن زارها عام 1933م "عنيزة قطب الذوق والأدب.. باريس نجد.. وهي أجمل من باريس إذا أشرقت عليها من الصفراء"، وفي مؤلفه معجم بلاد القصيم كتب عنها معالي الشيخ محمد بن ناصر العبودي" عنيزة هي مدينة الأدب والتاريخ في القصيم.. وهي الأم التي أنجبت العديد من الشعراء والمؤرخين ومازالت كذلك".

تقع عنيزة شمال غرب الرياض على مسافة 320 كيلو مترًا، وهي في الجنوب الشرقي من منطقة القصيم، وتعد ثاني أكبر مدينة فيها، وقد أكسبها هذا الموقع أهمية في الربط بين مدن القصيم الأخرى وبقية مدن المملكة وكذلك الدول المجاورة حيث أصبحت ممرًا رئيسًا لقوافل التجار وكذلك محطة رئيسة للحجاج القادمين من كل من العراق وإيران.. ومكة المكرمة والمدينة المنورة.

وتحيط بعنيزة بريدة شمالاً، والمذنب جنوبًا، والشماسية شرقًا، والبدائع غربًا، وتبلغ مساحتها 2256 كيلو مترًا مربعًا، ويتبعها عدد من القرى، هي: الحفيرة، الوهلان، الروغاني، وادي الجناح، الزغيببة، العوشزية، أبو خشبة، الروضة.

وعن مناخ عنيزة فهو حار صيفًا، حيث تصل درجة الحرارة إلى 47 درجة مئوية، وبارد شتاء، حيث تتراوح درجة الحرارة بين 11-1 درجة، ومتوسط سقوط الأمطار هو 100مم، وهي بذلك تعد من البلدان ذات المناخ الصحراوي، وغنية بالموارد المائية، حيث قامت فيها الزراعة منذ القدم.



اسم عنيزة

وعنيزة، بضم العين وفتح النون، وسكون الياء، وفتح الزاي مع التاء المربوطة، هو النطق الصحيح لاسم هذه المدينة العريقة، وقد جاءت تسميتها بهذا الاسم، كما ذكر الأزهري في كتابه تهذيب اللغة تصغيرًا لكلمة العنز التي تعني الأكمة السوداء، كما ذكر ياقوت الحموي ففي معجمه أن من معاني العنز ما فيه حزنة من أكمة أو تل أو حجارة، والتاء فيه لتأنيث البقعة، كما تعرف عنيزة باسم الفيحاء، ومعناه الواسعة من قولهم، مكان أفيح، بمعنى واسع(1).

وقد جاء اسم عنيزة في كثير من الأشعار منذ القدم.. فمن شعراء الجاهلية قال امرؤ القيس:

تراءت لنا بين النقا وعنيزة

وبين الشجا مما حال على الوادي

كما قال أيضًا:

تراءت لنا يومًا بسطح عنيزة

وقد حان منها رحلة وقلوص

وقال الشاعر الجاهلي "بشر بن أبي حازم الأسدي":

عفا رسم برامة فالتلاع

فكثبان الحفير إلى لقاع

فجنب عنيزة فذوات خيم

بها البغزلان والبقر الرتاع
.......................................
(1) د/ محمد بن عبدالله السلمان، كتاب عنيزة،
ــــــــــــــــــــــــــــــــــــــــــــــــــ ـ

والحين اخليكم مع بعض الصور القديمه والحديثه لمدينة عنيزة ..( الحقوق محفوظه لأصحاب الصور )

..هذي صورة جامع الشيخ محمد ابن عثيمين رحمه الله ...











إلى هنا ونكتفي بالصور .. مع انه ودي احط لكم الصور القديمه لعنيزة .. بس الجايات اكثر بإذن الله ..


هذه قصيده للشاعر علي بن رشيد الخياط قصيده حربيه جميله في معانيها ..
قال البطل الشاعر : علي بن رشيد الخيّـاط ( راعي البندق )يفتخر بأهل عنيزة ورجالها . سنة 1270هـ


يادارنا لا ترهبي يومك سعيد ** حنا حمـاة الدار ..وشـبّ اشـعالها

هذي عنيـزة ما نبيعة با لزهيد ** لافرّعـنّ البيض نحمى جالهـــا

دونك ودون الغيد مخضــر الجريد** نروي من الضد الحريب سلالها

يا مـا ذبحنا دون غضّــاتٍ تميد** جنا يز ترمى ولا احد شـالها

لو جبت عناز وشمّـر و ا لرشيد ** ونجـدٍ جميعه دقّــها وجــلالها

جبته وخلّـيته كما حلـقة حديد** شرق وجنوب وغربـها وشمـالـها

الدار دونه لا بــةٍ تحمى الطريد ** صعب على كل العدا منا لها

كم سـابق يـوم اللقا جريه يزيد** عاد اتنا ضربه وضرب امثـالـها

تا طا حديد وفوق راكبها حديـد ** تـوطّـته مركوبته بنــعـالـها

عيّـنت وين الجـرو تكفى لا تحـيد** قل لي تعـشّـته الضّـرا وعـيالها

ياشيخ ياللي ما طلع مثلك وليد ** لا رفّـعـنّ الخيل شهب اذيـالـها

الشيخ مثلك مـا يحايد من بعـيد ** يارد على دارٍ بـكو نـزا لها

لي بندق ترمي الـلّـحم لوهـو بعيد** ما وقّـفت با لسوق مع د لاّ لها

خماسي رصاصهْ سـتّـة اشبارٍ تـزيـد** ملح الجريف محـيـّلٍ يعبــا لهـا

ربعي هل الطولات والباس الشديـد ** خـطرٍ عـزايـمهـا تهدّ جبالهـا

اولا د علي هم عما عين الضديــد ** عقّــا لـها يوم الوغى جهّـالهـا

وان كان تبغى الحكم فالراي السديد ** ادحم على الديرة وحضّـب جا لـها

قطع النخل مهـوب عيب والوقيد ** العيب با للي ما يتــمّ اقــوا لـهـا

الله يجـازي كل جـبّـار عنـيد ** منّـا ومنـكم يوم عرض اعـمـا لها



والقصيده الثانيه للشاعر ( عبد العزيز الجمعي ) بعنوان (هذي عنيزة ولاادري ويش اسميها )

هذي عنيزة ولا أدري ويش أسميهـا
الشمس والا القمر ولا السما العالـي

هذي صبا نجد على السيـل واديهـا
يعلها السيـل وقـت السيـل همالـي

هذي عنيـزة وهـذا مجـد ماضيهـا
يشهد لهـا ماضـي الايـام والتالـي

هذي عنيزة وهـذا عشـق راعيهـا
معشوقة اللي يحب يحب الطيب الغالي

قالوا لي اذكر لنـا وش ولعـك فيهـا
ياللي تقول انهـا دايـم علـى بالـي

قالوا وهم خابريـن اجمـل معانيهـا
اقبالهـم صفحـة التاريـخ وقبـالـي

وشلون اوصفـك يـادار لنـا فيهـا
ذكرى المعزة مع العم ومـع الخالـي

وشلون اوصف ربيعه طيـب اهاليهـا
ولا اصف الروض ولا الطعس والجالي

ولا اصف الجو ولا اصـف روابيهـا
ولا النخل والثمر من كـل الاشكالـي

ماتنوصـف والمعـانـي ماتوفيـهـا
وشلون ابرسم خيال سنيـن وامالـي

الله واكبـر الـى نـادى مناديـهـا
يجلي همـوم لهـا بالقلـب زلزالـي

العلـم بـدر تجلـى فــي لياليـهـا
والحلـم للمشكـلات السـود حـلال

للعلـم والحلـم رب البيـت هاديهـا
الحضـر والبـدو ماللجهـل مدخالـي

تسمع هـلا مرحبـا لاجيـت ناديهـا
وتشوف جزل الحطب وابريـق ودلال

تـرى حـلاة الحيـاة وكـل امانيهـا
مع الله اكبـر تسـدك راحـة البـال

ويبقى الكرم بالحجاج وبيض اياديهـا
ويبقى شعـار الكـرم دلـه وفنجالـي

والناس كلن ولـي العـرش مغنيهـا
الرزق عند الكريـم الـرزاق الوالـي

هـذي عنيـزة محافظهـا واهاليهـا
الراس واحد عليـه شمـاغ وعقـال

هذي عنيـزة ولـي العـرش واليهـا
المهرة اللي لها ابـن سعـود خيالـي

وختامهـا فـي صـلاوات نصليـهـا
علـى محمـد عـدد مايـذن التالـي



عندي الكثير عن عنيزة .. بس اسمحوالي الجياتا اكثر ..
,,,,,,,,,,,,,,,,,,,,,,,,,,,,,,,,,,

مع خالص حبي وتقديري بنت عنـــ ,, باريس نجد ,,ـــــ,, كون يمي=محتارة العاشقين ,,ــــــــيزة

اتمنى ان ينال اعجابكم...

محتاره العاشقين

موضوعك اعجبني جدا واسلوبك شيق

فعلا عنيزة منبع الرجال وزينه النساء

يادارنا لا ترهبي يومك سعيد ** حنا حمـاة الدار ..وشـبّ اشـعالها

هذي عنيـزة ما نبيعة با لزهيد ** لافرّعـنّ البيض نحمى جالهـــا

دونك ودون الغيد مخضــر الجريد** نروي من الضد الحريب سلالها

ويا بخت عنيزة فيكي محتاره العاشقين

اشكرك من كل قلبي

العراب

محتارة العاشقين
اشكرك على الرحله الحلوة لعنيزه
ماتصورت انها حلوة كدا
الله يحفظها ويزيدها امان وحلاوة

تقبلي مروري بحب

يعيني على البلد رووووعه ..

يسلمووووو محتااارة العااشقين على الصوور الرااائعه ويعطيكي الف عافيه

صاار الوااحد عنده فكره عنها


احترامي وتقديري.